استشارة من : Dana Omar
دكتور كتير سالتك بخصوص مشكلة ابنى
انا عندى مشكلة مع ابنى عمرو سنتين وتمن شهور ازا بده يعملها تقيلة ( براز يعنى عفوا) بيسير يصرخ بده يلبس بمبرزة وبيقلي ماما بدى بمبرزة اعمل فيها .. وبيفهم كل شي وبيحكى كل شي ولو منعتها عنه مابيرضى وبيسير يصرخ وبيسير معه متل الامساك وممكن ينام ومايعملها للصبح لحتى يصحى يلاقي حاله لابس بمبرزة ويعملها فيها من ورايا وانا حاليا مابلبسه بمبرز بالليل وبحاول انظفه بالليل بدون فايدة بالمرة كل يوم يتبول بالليل على روحه انا تعبت معه ومش نافع معه ولا اسلوب بحاول مااضربه بس احيانا بفقد اعصابي خاااااصة انه حاليا صار مايروح الحمام اطلاقا ويبول على ملابسه وعملتلو مزرعة بول اتضح انه عند التهابات بالبول اعطانا الدكتور جفلكس شراب مضاد حيوى والصيدلى اعطانا cefovit forte 250فشو رايك دكتورة انا تعبت كتير معه وكل مااسال احد يقولى ماتلبسيه بمبرز وسيبيه حتى لو عملها على روحه طيب انا سبته يومين بهدلى الدنيا واتحملت طيب شو في طريقة ممكن تزبط معه فكرنا نجيب تحاميل تعت الامساك واحطله اياها عشان يعملها غصب عنه مابرضى مشكلته مش مقتنع يروح الحمام للبراز مع انه بيروح بيتبول عادى ولحاله كمان افيدنى بحل جزاك الله كل الخير دكتور انا عملت اللى حضرتك قلتلي عليه وتقريبا بعد 4 ايام الحال كما هو عليه صراخ وبكاء وبدو بمبرزة يلبسها .........
عيادة الاطفال
سلامات لا تحملي الامر جدا كبيرا فقلقك ينعكس على الطفل احسن شي اعتبري حالك ما نضفتيه لانه نفسيا غير مستعد وهذا يدل على انه كان هناك خطأ في طريقة عملية التنظيف ارجعي لبسيه الفوطة ليل نهار لحتى شهر 4 السنة الجاية مشان ما تصير مشكلة نفسية ومشكلة بامعاء الطفل وبشهر اربعة بتردي ترجعي تنظفي عن البول والبراز من جديد فحص البول معناه انه غلط والجرثومة هي تلوث خارجي انتسي الفحص واعملي زي ما حكيتلك وشوفي هون
استشارات
