استشارة من أم

مسا الخير دكتور
بدي احكيلك عن ابني بالتفصيل لاني كتييير مدايقه وخايفه
معليش تحملني
ابني نولد 29 اسبوع وزن 1700 قعد بالخداج شهرين ونص وطوال على اجهزة التنفس كتيير
المهم هلأ عمره 11 شهر وما بيمشي ولا بيقعد ولا بيزحف ولا عالمشايه امباريح كان عندو علاج طبيعي
حطو بوضع الزحف صار يرفع راسه منيح ماشالله وضهره وحاولو يقعدو صار يقعد كم ثانيه حكو انه اموره كتيير منيحه
وصار معه اكزيما وديتو على دكتوره اعطى دوا
المهم حكيتلو عن وضعه حكالي انه عندو شلل دماغي احتمال كبير طيب انا اول مره حدا بيحكيلي هيك معقول يكون عندو دكتور انا بدي اعملو صوره طبقيه الاربعاء بس مش قادره اصبر
هو صار يحكي جديد (اتا تاتا دادا )وبيعرفني منيح وبيعرف ابوه وجده وبس احكي اسمه بصير يضحك وبس احكي اسم تاني بينصدم وحركة رجليه وايديه قويه كتير بس انيمو على بطنه
هي منطقة الضهر بس ضعيفه شوي
هو تأخر لابتسم وضحك وحكى اغا
دكتور فيدني ممكن يكون هدا الشي علامات للشلل الدماغي ويلا لانه طفل خداج؟

عيادة الاطفال

كل اطفال الخدج بصير تاخر في تطورهم ونموهم من ناحية الجلوس والمشي والحكي والبوادر التي ذكرتها تدل انه وضعه جيد ويتحسن وليس امامنا الى الصبر ونراقب تحسن البيبي وان شالله بيرجع طبيعي على عمر 4 سنوات مع تمنياتنا له بالسلامة واكتر شخص يتوقع وضعه هو طبيبه