استشارات
11/24/2013
استشارة من غروب الشمس
مرحبا دكتور عندي استشاره ؟ حابه اسأل عن ابني .. الاسم محمد العمر 3 سنوات من سكان طولكرم .. ابني لهلاء مابحكي منيح وهاد الموضوع مضايقني كتيير مرت عليه فتره بحضر طيور الجنه وبس نصحتني ما احطلو عليها بطل يحضر عليهاا وبرضو لهلاء مابحكي منيح بس في شغله ان ابني بحب كتيير الالعاب الالكترونيه اول مايفتح عني من النوم على الاب توب دغري وعلى الجوال مابعرف كيف اتصرف معو حاولت بكل الطرق ع الفاضي وهل العاب الكمبيوتر برضو بلعبو دور بتأخر النطق بس ملحوظه ابني صار كلامو احسن من اول يعني في كلام كتير بلش يحكي بس متضايقه لان اطفال اصغر منو لبلب حكي .. اسفه لطول الحديث بس بدي الرد السريع والنصيحه يا دكتور ولك خالص الشكر .. تحياتي الك ونهارك سعيد
عيادة الاطفال
مع الاسف شلتيه عن طيور الجنة خليتيه عالالعاب الالكترونية بدل ما تضل تحاكيه وتلاعبيه الحل واضح الغي الكمبيوتر نهائيا من حياته وان ما قدرتي الغيه من البيت ككل واذا انت ضعيفه قدامه مع الاسف ما رح يتحسن وحتى تحسنه لن يكون سهلا لانه محل الحكي بدماغه صار في شغلات تانية وانصحك بمراجعة طبيب او مركز لمساعدتك
 |
 |
 |
 |
 |
 |
 |